එළඹෙන දෙසැම්බර් මස 9-10 දිනවල ඇමරිකා එකසත් ජනපදයේ පැවැත්වීමට නියමිත "ප්‍රජාතන්ත්‍රවාදී සමුළුවට" ශ්‍රී ලංකාවට ආරාධනා නොකිරීමට ඇමරිකානු රාජ්‍ය දෙපාර්තමේන්තුව තීරණය කර තිබෙනවා. ශ්‍රී ලංකාව ඇතුළුව චීනය, රුසියාව සහ දකුණු ආසියානු කලාපයේ පාකිස්ථානයට ද මෙම සමුළුවට ආරාධනා කර නැහැ.
ප්‍රජාතන්ත්‍රවාදී සමුළුවට ලොව රටවල් 110ක් සහභාගී වන අතර දකුණු ආසියානු කලාපයේ ඉන්දියාව සහ මාලදිවයිනට ඒ සඳහා ආරධානා ලැබී තිබෙනවා.
කෙසේ වෙතත් මෙම ආරාධිත ලැයිස්තුවට තායිවානය ඇතුළත් කර ඇති අතර ඒ සම්බන්ධයෙන් චීනය ඔවුන්ගේ දැඩි විරෝධය එල්ල කරමින් පවතිනවා.
