ඖෂධ නිෂ්පාදනය, සැපයීම හා නියාමන රාජ්‍ය අමාත්‍ය මහාචාර්ය චන්න ජයසුමන මහතා ප්‍රකාශ කරන්නේ කොවිඩ් 19 වෛරසය සඳහා නිපදවා ඇති ”Molnupiravir” කරල මෙරටට ගෙන්වීම තවදුරටත් ප්‍රමාදවන බවයි. එම කරලේ ඵලදායිතාව 70%ක් ලෙස මීට පෙර හඳුනාගෙන තිබුණ ද එය 30%ක් දක්ව අඩුවීම මෙයට හේතු වී ඇති බව අමාත්‍යවරයා සඳහන් කරනවා.
ජාතික ඖෂධ නියාමන අධිකාරියේ තාක්ෂණික කමිටුවට යළිත් ඒ පිළිබඳව අධ්‍යයනය කරන්නැයි දැනුම් දී ඇති අතර එම කමි‍ටුවේ විශේෂඥයින්ගේ උපදෙස් සැලකිල්ලට ගනිමින් ඒ සම්බන්ධයෙන් ඉදිරි පියවර ගැනීමට නියමිතයි.
