පසුගියදා අන්තර්ජාලය ඔස්සේ මූල්‍ය වංචාවලට සම්බන්ධ බවට සැක කෙරෙන චීන ජාතිකයින් පහළොස්දෙනෙකුගෙන් යුත් කණ්ඩායමක් රාජගිරිය, වැලිකඩ ප්‍රදේශයේ නිවාස සංකීර්ණයක රැදී සිටියදී අත්අඩංගුවට ගෙන තිබුණා.
පල්ලෙකැළේ - නත්තරන්පොත ප්‍රදේශයේ දී ද චීන ජාතිකයන් ඇතුළු විදේශීය ජාතිකයින් 130 දෙනෙකු අත්අඩංගුවට ගෙන තිබුණේ සැකකටයුතු ලෙස ලැගුම්ගෙන සිටියදීයි.
මේ අතර ලද තොරතුරක් මත මහනුවර පොලිසිය ඊයේ (13) පස්වරුවේ දී මහනුවර - අනිවත්ත ප්‍රදේශයේ හෝටලයක සැකසහිත ලෙස ලැගුම්ගෙන සිටි චීන ජාතිකයන් 16 දෙනෙකු අත් අඩංගුවට ගෙන තිබෙනවා. ඔවුන් සහ ඊයේ අත්අඩංගුවට ගත් පිරිස අතර යම් සබඳතාවක් පවතීද යන්න පිළිබඳව විමර්ශන ක්‍රියාත්මකයි.
